ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଭାଇ ଦାବି କରିଛନ୍ତି ଯେ ଯେଉଁମାନେ ଏହି ଘଟଣାର ସତ୍ୟ ଜାଣନ୍ତି ସେମାନଙ୍କ ଜୀବନ ବିପଦରେ। ସୁଶାନ୍ତଙ୍କ ସମ୍ପର୍କୀୟ ତଥା ବିଜେପି ବିଧାୟକ ନୀରଜ ସିଂ ବାବଲୁଙ୍କ ଅନୁଯାୟୀ, ଘଟଣା ଯେପରି ଚାଲିଛି, ସାକ୍ଷୀମାନଙ୍କୁ ହତ୍ୟା କରାଯାଇପାରେ। ସାକ୍ଷୀମାନଙ୍କୁ ପୋଲିସର ସୁରକ୍ଷା ଦିଆଯାଉ ବୋଲି ଆମେ ଦାବି କରୁଛୁ।
ଧମକ ଦିଆ ଯାଉଛି
ନୀରଜ ସିଂ ବାବଲୁଙ୍କ ଅନୁଯାୟୀ ସୁଶାନ୍ତ ମାମଲାର ସାକ୍ଷୀଙ୍କୁ ଧମକ ଦିଆଯାଉଛି ଏବଂ ମୁମ୍ବାଇ ପୋଲିସ ସେମାନଙ୍କୁ ସୁରକ୍ଷା ଦେଉନାହିଁ। ନୀରଜ ସିଂ ବାବଲୁଙ୍କ ବ୍ୟତୀତ ସୁଶାନ୍ତଙ୍କ ଅନେକ ବନ୍ଧୁଙ୍କୁ ମଧ୍ୟ ଧମକ ମିଳୁଛି। ସୁଶାନ୍ତଙ୍କ ପୂର୍ବତନ ମ୍ୟାନେଜର ଅଙ୍କିତ ଏବଂ ସୁଶାନ୍ତଙ୍କ ବନ୍ଧୁ ଗଣେଶ ହିଭାର୍କରଙ୍କ କହିବାନୁସାରେ, ସାକ୍ଷୀ ନହେବା ପାଇଁ ତାଙ୍କୁ ଫୋନରେ ଧମକ ଦିଆଯାଉଛି। ଏକ ଚ୍ୟାନେଲ ସହିତ କଥାବାର୍ତ୍ତା କରି ଅଙ୍କିତ ଏବଂ ଗଣେଶ ହିଭାର୍କର କହିଛନ୍ତି ଯେ ସେମାନଙ୍କୁ ମେସେଜ କରାଯାଉଛି ଏବଂ ଏହି ମାମଲାରେ ଚୁପ୍ ରହିବାକୁ କୁହାଯାଇଛି। ପ୍ରକୃତରେ ଗଣେଶ ହିଭାର୍କର ଏବଂ ଅଙ୍କିତ କହିଛନ୍ତି ଯେ ସୁଶାନ୍ତଙ୍କୁ ହତ୍ୟା କରାଯାଇଛି। ଅଙ୍କିତଙ୍କ ଅନୁଯାୟୀ ସୁଶାନ୍ତଙ୍କୁ ଗଳା ଦବାଇ ହତ୍ୟା କରାଯାଇଛି, ସୁଶାନ୍ତଙ୍କ ଗଳାକୁ କୁକୁରର ବେଲ୍ଟରେ ଚାପି ଦିଆଯାଇଛି। ଗଣେଶ ହିଭାର୍କର କହିଛନ୍ତି ଯେ ଜୁନ୍ 13 ର ରାତିରେ କିଛି ଲୋକ ସୁଶାନ୍ତଙ୍କ ଘରକୁ ଆସିଥିଲେ।
ଗଣେଶ ହିଭାର୍କର ଦାବି କରିଛନ୍ତି ଯେ ଦିଶାଙ୍କ ମୃତ୍ୟୁ ବିଷୟରେ ସୁଶାନ୍ତ କିଛି ଜାଣିଥିଲେ ଏବଂ ଏହା ପ୍ରକାଶ କରିବାକୁ ଚାହୁଁଥିଲେ। ଏହି ବିଷୟରେ ସୁଶାନ୍ତ ତାଙ୍କ ସାଙ୍ଗ ସନ୍ଦୀପଙ୍କ ସହ କଥା ହୋଇଥିଲେ। କିନ୍ତୁ ସନ୍ଦୀପ ଦିଶାଙ୍କ ହତ୍ୟାରେ ସମ୍ପୃକ୍ତ ଥିବା ସମସ୍ତଙ୍କୁ ଏହି ବିଷୟରେ କହିଥିଲେ। ଯାହା ପରେ ସୁଶାନ୍ତଙ୍କୁ ହତ୍ୟା କରାଯାଇଥିଲା। ଗଣେଶ ହିଭାର୍କରଙ୍କ କହିବାନୁସାରେ, ସନ୍ଦୀପଙ୍କର ଜଣେ ଘନିଷ୍ଠ ବନ୍ଧୁ ତାଙ୍କୁ ଏସବୁ କହିଛନ୍ତି ଏବଂ ସୁଶାନ୍ତଙ୍କ ହତ୍ୟାରେ କିଏ ସମ୍ପୃକ୍ତ ଥିଲା ସେ ବିଷୟରେ ସିବିଆଇକୁ କହିବାକୁ ପ୍ରସ୍ତୁତ ଅଛନ୍ତି। ଗଣେଶ ହିଭାର୍କରଙ୍କ ଅନୁଯାୟୀ ତାଙ୍କୁ ଧମକପୂର୍ଣ୍ଣ ବାର୍ତ୍ତା ଦିଆଯାଉଛି ଏବଂ ତାଙ୍କ ଜୀବନ ବିପଦରେ ରହିଛି।
ମୁମ୍ବାଇ ପୋଲିସ ଉପରେ ଆଣିଲେ ଅଭିଯୋଗ
ମୁମ୍ବାଇ ପୋଲିସର ସଠିକ୍ ତଦନ୍ତ କରୁ ନ ଥିବା ଅଭିଯୋଗ ହୋଇଛି। ନୀରଜଙ୍କ ଅନୁଯାୟୀ ସୁଶାନ୍ତ ସର୍ବଦା ଏକ ଡାଏରୀ ଲେଖୁଥିଲେ। କିନ୍ତୁ ତାଙ୍କ ମୃତ୍ୟୁ ପରେ ମୁମ୍ବାଇ ପୋଲିସ ସମସ୍ତ ଡାଏରୀ ଛଡ଼ାଇ ନେଇଛି। ମୁମ୍ବାଇ ପୋଲିସ ଏହି ଡାଏରୀରେ ଟ୍ୟାମ୍ପରିଂ କରିଛି। ଡାଏରୀରେ ଯାହା ବାକି ଅଛି ତାହା ସ୍ପଷ୍ଟ ଭାବରେ ଦର୍ଶାଉଛି ଯେ ସୁଶାନ୍ତ ତାଙ୍କ ଭବିଷ୍ୟତ ଯୋଜନା କରୁଛନ୍ତି।
14 ଜୁନ୍ 2020 ରେ ସୁଶାନ୍ତଙ୍କ ମୃତଦେହ ତାଙ୍କ ବାନ୍ଦ୍ରାସ୍ଥିତ ଫ୍ଲାଟରେ ମିଳିଥିଲା। ସୁଶାନ୍ତଙ୍କ ପୋଷ୍ଟମର୍ଟମ ରିପୋର୍ଟରେ ଆତ୍ମହତ୍ୟା କରାଯାଇଥିବା କୁହାଯାଇ ଥିଲା। ତେବେ ସୁଶାନ୍ତଙ୍କ ମୃତ ଦେହର ଚିତ୍ର ଦେଖି ସୁଶାନ୍ତଙ୍କୁ ହତ୍ୟା କରାଯାଇଥିବା ଜଣାପଡିଛି। ଏଥି ସହିତ ସୁଶାନ୍ତଙ୍କ ପିତାଙ୍କ ଓକିଲ ବିକାଶ ସିଂ କହିଛନ୍ତି ଯେ ସୁଶାନ୍ତଙ୍କ ପୋଷ୍ଟମର୍ଟମ ରିପୋର୍ଟରେ ମୃତ୍ୟୁ ସମୟ ଉଲ୍ଲେଖ କରାଯାଇ ନାହିଁ। ଯେଉଁଥିପାଇଁ ସୁଶାନ୍ତଙ୍କ ମୃତ୍ୟୁ କେବେ ହୋଇଥିଲା ଜଣା ପଡିନାହିଁ। ପୋଷ୍ଟମର୍ଟମ ରିପୋର୍ଟରେ ମୃତ୍ୟୁ ସମୟ ନ ଥିବାରୁ ମୁମ୍ବାଇ ପୋଲିସ ସନ୍ଦେହ ଘେରରେ ରହିଛି।
